Presidenti i AKR-së, njëherit kandidat për deputet në Kuvendin e Kosovës, Behgjet Pacolli ka ndarë disa momente të takimit që ka pasur me personelin shëndetësor.

Pacolli ka thënë se ajo se çka bëjnë mjekët tanë dhe personeli shëndetësor është shumë fisnike, shkruan arbresh.info

Ai ka shtuar se nga takimi që ka pasur me ta kuptoi se vullneti dhe zelli i tyre për punë nuk mungon, përkundër kushteve jo të mira.

Postimi i plotë nga Pacolli:

Është fisnike, madhështore dhe jetëshpëtuese ajo çfarë bëjnë sot mjekët tanë e personeli shëndetësor.

Nga takimi me ta kuptova se nuk mungon aspak vullneti e zelli i tyre për punë, por ende u mungojnë kushtet.

Ka nevojë urgjente për përmirësim të infrastrukturës shëndetësore.

Në fakt ka pasur gjithmonë nevojë, prandaj AKR prej kryeherash e ka pasur një nga shtyllat e programit investimin në Shëndetësi.